Fein, dat Se up miene Homepage ankuomen sind. Wenn se up de Sieten luchterhand klicket, krieget Se miene kuorte Biografie orre plattdütske Texten to liäsen. Bi mi geht dat ümme dat Plattdütske, ik höre to de Lüe, de den Plattdütsken Förderkreis in'n Ossenbrügger Lanne upmaket häbbet. Wi nömt den afköttet "Plattfoss". Kien Wunner nich, dat ik üöver düssen Verein wat vertellen will. Besönners wiese ik up de Sieten hen, de sick met de plattdütske Bökerie in'n Osnabrücker Mediencenter an de Natruper Strauten befatet, denn hier kann jedereen sick plattdütske Böker utlennen. De meesten sind van Schrievers ut'n Ossenbrügger Lanne. Se sind en Deel van use Kultur!Vertellsel van mi un auk van ännere Plattschriever, de to'n Plattfoss höert un de för'n Autorenwettstriet sriäven häbbet orre bi use Srieverwerkstiehe metmaket kuomet met de Tiet dorto. Olso ollsweg mol wier de "Links" anklicken! Auk Termine, to'n Bispell, wannehr de Plattdütske Fröhschoppen is un wann de Srieverwerkstiehen in Dulings Hof in Wallenhorst upmaket wäd, un wat et änners Nigges giff, schall hier upsriäven wäden. Ik wünske ene Masse Spoaß bi Platt met Plattfoss. Un wenn de eene of ännere mi äs seggen will, wi em miene Website geföllt - ik dä mi fröbben.